मातोश्रीवर उद्धव ठाकरे यांच्या उपस्थितीत आमदारांची महत्त्वाची बैठक संपन्न‌.

ब्रेकिंग न्यूज | चास न्यूज Live मराठी

मुंबई: शिवसेना पक्षप्रमुख यांच्या उपस्थितीत आज 'मातोश्री' निवासस्थानी शिवसेनेच्या आमदारांची महत्त्वाची बैठक पार पडली. बैठकीत राज्यातील सध्याच्या राजकीय घडामोडींसह पक्ष संघटना आणि आगामी राजकीय रणनीतीवर सविस्तर चर्चा करण्यात आली.

बैठक अतिशय खेळीमेळीच्या आणि सकारात्मक वातावरणात पार पडल्याची माहिती सूत्रांकडून मिळाली. बैठकीनंतर पक्षामध्ये कोणतीही नाराजी किंवा मतभेद नसल्याचे स्पष्ट संकेत मिळाले असून, "सर्व काही ठीक ठाक आहे, चिंता करण्याचे कोणतेही कारण नाही," असा संदेश पक्षाच्या वर्तुळातून देण्यात आला.

या बैठकीमुळे पक्षातील एकजूट कायम असल्याचे चित्र समोर आले असून, आगामी काळातील राजकीय घडामोडींच्या पार्श्वभूमीवर या बैठकीला विशेष महत्त्व प्राप्त झाले आहे.

– चास न्यूज Live मराठी जय महाराष्ट्र!