भव्य कीर्तन सोहळ्याने चास नगरी दुमदुमणार!
श्री म्हातोबा महाराज चतुर्थ वर्धापन दिनानिमित्त विविध धार्मिक कार्यक्रमांचे आयोजन
चास प्रतिनिधी :
चास (ता. ___, जि. पुणे) येथे श्री म्हातोबा महाराज देवस्थानच्या चतुर्थ वर्धापन दिनानिमित्त सोमवार, दि. २२/०६/२०२६ रोजी भव्य कीर्तन सोहळा व विविध धार्मिक कार्यक्रमांचे आयोजन करण्यात आले आहे. या सोहळ्यामुळे परिसरात भक्तिमय वातावरण निर्माण होणार आहे.
कार्यक्रमाची सुरुवात सकाळी अभिषेकाने होणार असून, सकाळी पालखी मिरवणूक काढण्यात येणार आहे. त्यानंतर प्रतिमा व पादुकांचे पूजन, सत्यनारायण महापूजा, आरती व महाप्रसादाचे आयोजन करण्यात आले आहे.
सायंकाळी ह.भ.प. निबुती महाराज देशमुख (इंदोरी) यांचे सुश्राव्य कीर्तन होणार असून, परिसरातील भाविक मोठ्या संख्येने उपस्थित राहण्याचे आवाहन आयोजकांनी केले आहे.
कीर्तनानंतर महाप्रसाद व हरिनामाचा गजर होणार आहे. चास ग्रामस्थ, पंचक्रोशीतील भाविक व वारकरी संप्रदायाच्या सहकार्याने हा धार्मिक सोहळा पार पडणार आहे.
आपले विनीत – श्री म्हातोबा देवस्थान चास व समस्त ग्रामस्थ चास पंचक्रोशी, आखरवाडी, गुंजवळा.
Post a Comment
0 Comments