चाकण MIDC मधील उद्योगांचे स्थलांतर रोखण्यासाठी आमदार बाबाजी काळेंचा ठोस पाठपुरावा

चाकण | प्रतिनिधी

चाकण MIDC परिसरातील उद्योगांचे संभाव्य स्थलांतर रोखण्यासाठी तसेच स्थानिक उद्योगांना आवश्यक सुविधा उपलब्ध करून देण्यासाठी ,

आमदार मा. श्री. बाबाजी शेठ काळे यांनी ठोस पाठपुरावा सुरू केला आहे.

या प्रश्नासंदर्भात आमदार बाबाजी काळे यांनी मुख्यमंत्री मा. सुमित्राताई पवार यांची भेट घेऊन चाकण MIDC मधील उद्योगांसमोरील विविध अडचणी, पायाभूत सुविधांचा प्रश्न आणि उद्योगांचे स्थलांतर होण्याची शक्यता याबाबत सविस्तर चर्चा केली.

चाकण MIDC हा पुणे जिल्ह्यातील महत्त्वाचा औद्योगिक परिसर असून, या परिसरातील हजारो कामगारांच्या रोजगाराचा प्रश्न उद्योगांच्या भवितव्याशी जोडलेला आहे. त्यामुळे उद्योगांना आवश्यक सुविधा, वाहतूक व्यवस्था, रस्ते, वीज, पाणी तसेच इतर मूलभूत सोयी उपलब्ध करून देण्याबाबत शासनाने तातडीने ठोस निर्णय घ्यावा, अशी मागणी आमदार बाबाजी काळे यांनी केली.

“चाकण MIDC मधील उद्योगांचे स्थलांतर होऊ नये आणि स्थानिक रोजगार अबाधित राहावा, यासाठी शासनस्तरावर सातत्याने पाठपुरावा केला जाईल,” अशी भूमिका आमदार बाबाजी काळे यांनी मांडल्याचे सांगण्यात आले.

उद्योग टिकले तर स्थानिक युवकांना रोजगाराच्या संधी उपलब्ध होतील आणि चाकण परिसराच्या औद्योगिक विकासाला आणखी चालना मिळेल. त्यामुळे या प्रश्नावर शासनाने सकारात्मक व तातडीने निर्णय घ्यावा, अशी अपेक्षा उद्योग क्षेत्रातून व्यक्त होत आहे.

चाकण MIDC मधील उद्योगांचे स्थलांतर रोखण्यासाठी आमदार बाबाजी काळे यांच्या पाठपुराव्यामुळे आता शासन कोणता निर्णय घेणार, याकडे उद्योग जगताचे आणि स्थानिक नागरिकांचे लक्ष लागले आहे.

बातमी जास्तीत जास्त शेअर करा 

पत्रकार - मा विठ्ठल दत्तात्रेय परदेशी 

बातमी जास्तीत जास्त शेअर करा 

पत्रकार - मा श्री विठ्ठल दत्तात्रेय परदेशी